Si ndryshon qarkullimi në rrugët e Lakrishtes?
Komuna e Prishtinës rikthen qarkullimin e mëparshëm në dy rrugë të lagjes pas përfundimit të punimeve infrastrukturore.
PRISHTINË — Komuna e Prishtinës ka ndryshuar qarkullimin e mjeteve në rrugët “Hekurudha” dhe “Vicianum” në lagjen Lakrishte, duke rikthyer regjimin e mëparshëm pas përfundimit të një pjese të punimeve infrastrukturore.
Rruga “Hekurudha” do të jetë me një kah, duke filluar nga kryqëzimi i rrethit të magjistralës “M-2” në drejtim të rrugëve “Hekurudha” dhe “Bekim Fehmiu”. Rruga “Vicianum” gjithashtu do të jetë me një kah, nga kryqëzimi me rrugën “Ahmet Krasniqi” në drejtim të “Magjistralja M-2”. Rrugët “Bekim Fehmiu” dhe “Tirana” mbeten me dy kahe.
Në njoftimin e saj, Komuna tha se ndryshimet synojnë “përmirësimin e rrjedhës së trafikut, rritjen e sigurisë në komunikacion” pas punimeve në këtë zonë.
Burim: RTV21
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.