Policia rrugore ndëshkon qindra shoferë në Berat — 4 në ndjekje penale
Gjatë kontrolleve të Policisë Rrugore janë ndëshkuar me gjobë 254 drejtues për ndalim ose pushim të gabuar
— Policia Rrugore ndëshkon 254 drejtues për ndalim ose pushim të gabuar, 158 për parakalime të gabuara dhe 140 për qarkullim me shpejtësi mbi normat e lejuara. Kontrollet kanë zbuluar edhe shkelje të tjera, ku 94 drejtues janë gjobitur për mosvendosjen e rripit të sigurimit, 80 drejtues motomjetesh për mosvendosjen e kaskës mbrojtëse, ndërsa 5 shoferë janë ndëshkuar administrativisht për drejtim mjeti nën efektin e alkoolit.
Gjithashtu, janë vendosur 246 masa të tjera për shkelje të ndryshme të Kodit Rrugor. Nga kontrollet kanë përfunduar në ndjekje penale edhe 4 drejtues mjetesh. Dy prej tyre janë arrestuar pasi u kapën duke drejtuar automjetin nën ndikimin e alkoolit, ndërsa dy të tjerë u proceduan në gjendje të lirë për drejtim mjeti pa leje.
Policia thotë se kontrollet janë zhvilluar me dron, radar dhe makina inteligjente dhe do të vijojnë në të gjitha akset e qarkut. Burim: Shqiptarja, https://shqiptarja.com/lajm/drone-radare-dhe-makina-inteligjente-skanojne-beratin-qindra-gjoba-per-shkelje-rrugore-4-drejtues-ne-ndjekje-penale
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.