Pse KSHPK dërgoi në prokurori ish-drejtuesit e TEC Negotinë?
Komisioni Kundër Korrupsionit konfirmoi se ish-anëtarët e bordit morën paga dhe 12 kompensime pavarësisht ndërprerjes së funksioneve pas bashkimit me EMV-Shkup.
SHKUP — Komisioni Kundër Korrupsionit (KSHPK) do të paraqesë kallëzim penal në Prokurorinë Publike kundër ish-anëtarëve të bordit drejtues dhe mbikëqyrës të TEC Negotinë, të cilët kanë vazhduar të marrin paga dhe kompensime edhe pas bashkimit të SHA TEC Negotinë me SHA EMV-Shkup dhe përfundimit të funksioneve të tyre.
Sipas anëtarit të KSHPK-së, Servet Demiri, personat në fjalë mbetën në marrëdhënie pune në shoqërinë e bashkuar pa njoftim publik, në kundërshtim me ligjin që kërkon procedura të hapura për punësimin në kompanitë shtetërore. Justifikimi i tyre ishin kontratat drejtuese që u lejonin të zgjidhnin nëse do të qëndronin në SHA ose do të ktheheshin në vendet e vjetra të punës.
Përveç pagave të rregullta, ata morën kompensime në shumën prej 12 pagave të plota bazuar në të njëjtat kontrata drejtuese. KSHPK-ja vendosi unanimisht se akuzat janë konfirmuar dhe, në përputhje me Ligjin për Parandalimin e Korrupsionit dhe Konfliktit të Interesit, do të fillojë procedurat para Prokurorisë.
Burim: Telegrafi
— Redaksia ZHURMA