Sa votues dhe qendra votimi ka përgatitur KQZ-ja për zgjedhjet?
Numri i votuesve u rrit me 15,884 krahasuar me zgjedhjet e dhjetorit 2025, sipas të dhënave të Komisionit Qendror të Zgjedhjeve.
PRISHTINË — Procesi zgjedhor i 7 qershorit do të zhvillohet në 949 qendra votimi me gjithsej 2,550 vendvotime, njofton KQZ. Prej tyre, 911 qendra me 2,498 vendvotime janë për votim të rregullt, ndërsa 38 qendra — nga një për çdo komunë — me 52 vendvotime për votim me kusht.
Numri i shtetasve me të drejtë vote në këtë proces zgjedhor është 2,092,174, ose 15,884 më shumë se në zgjedhjet e parakohshme të 28 dhjetorit 2025.
Nga Lista Votuese, 1,959,962 qytetarë janë të regjistruar për të votuar brenda Kosovës. Për votim jashtë vendit janë regjistruar 132,212 qytetarë: 100,970 me postë jashtë Kosovës, 3,518 me postë brenda vendit dhe 27,724 për votim fizik në përfaqësi diplomatike.
Burim: Zëri
— Redaksia ZHURMA