Sa shpenzoi KQZ me tenderë njëburimorë për zgjedhjet?
14 tendera me procedurë të negociuar, mbi 2 milionë vetëm për postën dhe votimin jashtë vendit.
PRISHTINË — Komisioni Qendror i Zgjedhjeve ka në dispozicion 10 milionë e 800 mijë euro për zgjedhjet e jashtëzakonshme të 7 qershorit, por po i shpenzon kryesisht përmes tenderëve njëburimorë. Që nga caktimi i datës, KQZ ka dhënë 14 tendera me procedurë të negociuar, me vlerë totale afër tre milionë eurosh.
Mbi 2 milionë euro i kushtoi vetëm tenderi për shërbimet postare dhe votimin jashtë vendit. Shtypja e fletëvotimeve tejkaloi parashikimin, duke arritur afro 350 mijë euro. 12 tendera të tjerë sillen me vlera nga tetë mijë deri në 100 mijë euro.
Sipas Ardit Dragushës, Hulumtues i Prokurimit Publik në D+, neni 35 i Ligjit për Prokurim Publik e parasheh procedurën e negociuar për raste emergjente, dhe afati i shkurtër i zgjedhjeve mund të arsyetojë zgjedhjen. Megjithatë, Dragusha theksoi se KQZ ka tejkaluar vlerën e parashikuar në disa raste, disa herë me më shumë se 50 mijë euro, duke tërhequr mjete nga projekte të tjera — çka rrezikon realizimin e tyre. Kryetari Kreshnik Radoniqi e kishte arsyetuar tenderin për shtypjen e fletëvotimeve me afatin e shkurtër kohorë.
Burim: Zëri
— Redaksia ZHURMA