Kosova tërhiqet nga Evropiani i Golfit për shkak të diskriminimit në Qipro
Pse autoritetet qipriote refuzuan trajtim të barabartë për golfistin Azer Bislimaj?
PRISHTINË — Federata e Golfit e Kosovës (FGK) ka njoftuar tërheqjen nga Kampionati Evropian i Seniorëve 2026, i cili nisi sot në Paphos të Qipros, pavarësisht se golfisti kosovar Azer Bislimaj ishte kualifikuar për herë të dytë radhazi.
Sipas FGK-së, të gjitha procedurat e regjistrimit dhe obligimet financiare ishin përfunduar me kohë, ndërsa Bislimaj kishte zhvilluar përgatitje intensive në Spanjë dhe Gjermani. Më 27 maj, autoritetet shtetërore të Qipros njoftuan se nuk do të lejonin paraqitjen e Republikës së Kosovës me simbolet e saj shtetërore në mënyrë të barabartë me vendet e tjera pjesëmarrëse.
FGK theksoi se Kosova nuk kërkonte trajtim të veçantë, por vetëm barazi me 28 shtetet e tjera. Federata falënderoi Shoqatën Evropiane të Golfit (EGA) për përpjekjet për të gjetur zgjidhje.
Burim: Gazeta Express, https://www.gazetaexpress.com/skandal-para-evropianit-te-golfit-kosoves-nuk-iu-lejua-perfaqesimi-i-barabarte-ne-qipro/
— Redaksia ZHURMA