Kosova importon qumësht nga Bosnja që s'e njeh — 13 milionë euro për 3 vite
Bosnja dhe Hercegovina nuk e njeh shtetin e Kosovës e as dokumentet e saj për eksport, por importet kanë vazhduar përgjatë tri viteve.
PRISHTINË — Kosova ka importuar mbi 13 milionë euro produkte dhe nënprodukte të qumështit nga Bosnja dhe Hercegovina brenda tri viteve, pavarësisht se ky shtet refuzon ta njohë Republikën e Kosovës apo dokumentet e saj për eksport. Këto shifra dhe favorizimet ndaj produkteve boshnjake janë trajtuar në emisionin e sotëm Kallxo Përnime.
Emisioni ka ngritur dyshime mbi arsyet pse Kosova ende nuk ka aplikuar masa reciprociteti tregtar ndaj Bosnjës. Gjithashtu, aty shtrohet pyetja nëse importet me çmime tejet të ulëta po e dëmtojnë prodhuesin vendor dhe se cilat janë masat konkrete që institucionet duhet të ndërmarrin për të mbrojtur prodhimet vendore të qumështit.
Burim: Kallxo
— Redaksia ZHURMA