Joshua konfirmon kontratën me Fury — do t'ia shqyej zemrën
Boksieri britanik konfirmon marrëveshjen pa datë dhe vend
LONDËR — Boksieri britanik Anthony Joshua ka dhënë përditësime në lidhje me duelin e madh ndaj patriotit të tij Tyson Fury. Edhe pse nuk ka asnjë zyrtarizim në lidhje me datën dhe vendin, Joshua konfirmon marrëveshjen.
“Ne i kemi nënshkruar kontratat. Gjithçka është bërë. Askush nuk mund ta imagjinojë se çfarë kam kaluar gjatë atij dueli të fundit. Jam rikthyer. Do t'ia shqyej zemrën. Jam kampioni më i lig dhe më i egër që ka ekzistuar ndonjëherë”, deklaroi Joshua.
Më tej, britaniku, ish-kampion bote në peshën e rëndë, shtoi: “Duke lënë mënjanë shakatë, unë respektoj gjithçka që ai ka bërë dhe ka arritur, por ne jemi këtu tani. Shpresoj që tifozët të kenë një kënaqësi të madhe për këtë duel mes nesh.”
Burim: Tetova Sot
— Redaksia ZHURMA