Guri i Zi: Kush e ruante me pushkë parcelën me 300 bimë kanabisi?
Policia në Dibër ka arrestuar një 43-vjeçar nga Tirana që ruante me armë zjarri një parcelë me kanabis, ndërsa në procedim ka hyrë edhe kryetari i fshatit.
DIBËR — Policia e Shtetit në Dibër ka zbuluar një parcelë me rreth 300 bimë të dyshuara narkotike kanabis në një zonë të pyllëzuar të fshatit Guri i Zi. Gjatë këtij operacioni, autoritetet kanë arrestuar në flagrancë shtetasin L. M., 43 vjeç, me banim në Tiranë, i cili dyshohet se ruante zonën e kultivuar.
Në vendngjarje është sekuestruar edhe një armë zjarri tip pushkë me gjashtë fishekë, ndërsa një pjesë e bimëve u morën si provë dhe të tjerat u asgjësuan. Për më tepër, policia ka nisur procedimin penal për shpërdorim detyre ndaj kryetarit të fshatit Guri i Zi, shtetasin H. Sh.
Burim: Telegrafi
— Redaksia ZHURMA