Kush u arrestua në Valencia?

— Një rrjet kriminal i dedikuar për marihuanën është goditur në provincën e Valencias, Spanjë, dhe një mega-plantacion i teknologjisë së lartë është çmontuar, pjesë e së cilës është një grup shqiptar. Operacioni, e cila rezultoi në arrestimin e 14 personave, u ndërmori nga policia spanjolle.

Oficerët çmontuan tre fabrika kultivimi në ambiente të mbyllura, përfshirë një plantacion të madh me teknologji të lartë me 2,763 bimë në një fazë të avancuar të rritjes. Hetimi filloi në janar, pasi disa shtetas shqiptarë u panë duke mbajtur pajisje për instalime kanabisi në ambiente të mbyllura.

Ndërhyrja e policisë ka ardhur si pasojë e një konflikti mes grupeve kriminale. Në incident janë përdorur armë zjarri, duke sjellë një reagim nga forcat e Gardës Civile. Përmes mbikëqyrjes dhe monitorimit policor, u zbulua se grupi shqiptar kishte bashkëpunuar me një grup shtetasish spanjollë me dënime të mëparshme për trafik droge.

Sipas autoriteve, me një ndarje të qartë detyrash, të dy grupet formuan një lloj sipërmarrjeje të përbashkët kriminale, një partneritet strategjik për të kombinuar burimet, teknologjinë dhe kapitalin. 14 personat e arrestuar janë sjellë përpara gjykatës si autorë të dyshuar të krimeve kundër shëndetit publik, mashtrimit me energji elektrike dhe anëtarësimit në një grup kriminal.

Tre prej tyre janë urdhëruar të mbahen në paraburgim. Njëri prej të ndaluarve ishte tashmë i kërkuar nga gjykata për të njëjtën vepër penale. Nuk ka ende një informacion nëse gjenden shqiptarë mes personave të arrestuar.

Burim: Euronews Albania, https://euronews.al/goditet-rrjteti-kriminal-ne-valencia-mes-spanjolleve-te-perfshire-dhe-nje-grup-shqiptaresh/ — Redaksia ZHURMA