Çfarë synon skema e re e Përgjegjësisë së Zgjeruar të Prodhuesit?
Si do të ndryshojë menaxhimi i mbetjeve në Shqipëri me rregulloret e reja të BE-së?
TIRANË — Zëvendësministri i Mjedisit, Genti Gazheli, zhvilloi të martën një takim konsultues me përfaqësues të biznesit, institucioneve dhe ekspertë të fushës për hartimin e akteve nënligjore të skemës së Përgjegjësisë së Zgjeruar të Prodhuesit.
Diskutimet u përqendruan te funksionimi i skemave të përgjegjësisë së prodhuesve, rritja e normave të grumbullimit dhe riciklimit, si dhe krijimi i një kuadri rregullator të qartë. Pjesëmarrësit paraqitën sugjerime për përmirësimin e mekanizmave të zbatimit.
"Kontributet do të shërbejnë për avancimin e objektivave të ekonomisë qarkulluese, në rrugëtimin drejt integrimit në Bashkimin Evropian", theksoi Gazheli. Skema synon të rrisë përgjegjësinë e prodhuesve për menaxhimin e mbetjeve që gjenerojnë, duke nxitur riciklimin.
Burim: ATSH
— Redaksia ZHURMA