Euro zbret nën 95 lekë në minimumin e ri historik
Pse monedha europiane po zhvlerësohet përballë lekut dhe sa pritet të zbresë ajo me nisjen e sezonit turistik?
TIRANË — Monedha europiane ka shënuar një tjetër minimum historik të premten, duke zbritur për herë të parë nën kufirin prej 95 lekësh. Sipas kursit zyrtar të Bankës së Shqipërisë, euroja aktualisht po këmbehet për 94.9 lekë, që është niveli më i ulët i regjistruar ndonjëherë në tregun vendas.
Krahasuar me të njëjtën periudhë të një viti më parë, euro është zhvlerësuar me më shumë se 3.4 pikë kundrejt lekut. Banka e Shqipërisë konfirmon se leku është forcuar me 3.4 për qind ndaj monedhës europiane së fundmi, duke vazhduar ecurinë e tij pozitive.
Aktualisht, euro pritet të nënçmohet edhe më tej në treg. Kjo rënie e pritshme mbështetet në shtimin e prurjeve valutore në vend, të cilat pritet të rriten më shumë edhe për shkak të fillimit të sezonit turistik.
Burim: ABC News
— Redaksia ZHURMA