Kush vazhdon me fitore?

— Boksieri shqiptar Drilon Rama vazhdon me sukses rrugëtimin e tij në boksin profesionist. Ai regjistroi fitoren e shtatë radhazi dhe ruajti rekordin e përkryer. Rama u ndesh me boksierin çek Jan Marsalek në Porsche Arena të Stuttgartit, ku dominoi meçin që nga gongu i parë dhe nuk i la shumë hapësira kundërshtarit. Pas një paraqitjeje bindëse, shqiptari e detyroi gjyqtarin ta ndërpriste përballjen në minutën 2:36 të raundit të tretë, duke triumfuar me nokaut teknik.

Me këtë fitore, Drilon Rama mbetet i pamposhtur në karrierën profesionale, me shtatë fitore në po aq duele të zhvilluara. Triumfi ndaj Marsalekut përfaqëson një tjetër hap të rëndësishëm në karrierën e boksierit shqiptar, i cili po vazhdon të ngjitet drejt niveleve elitare të boksit profesionist.

Burim: Ekonomia Online, Telegrafi, Bota Sot — Ekonomia Online, Telegrafi, Bota Sot — Redaksia ZHURMA