Ben Affleck flet hapur për Jennifer Lopez pas divorcit

Aktori hollivudian Ben Affleck ka thyer heshtjen për ish-bashkëshorten e tij, Jennifer Lopez, pas përfundimit të martesës së tyre në divorc. Pavarësisht se lidhja e tyre martesore mori fund, aktori nuk i ka kursen vlerësimet dhe ka folur me admirim të madh për talentin e ish-bashkëshortes së tij. Gjatë një interviste për revistën Variety, Affleck u pyet mbi arsyet pse Jennifer Lopez nuk merr gjithmonë vëmendjen dhe vlerësimin që, sipas tij, ajo meriton vërtet në Hollywood.

Duke shprehur hapur mbështetjen për të, aktori u shpreh se është i njëanshëm dhe se ka një respekt dhe admirim të jashtëzakonshëm për atë që ajo është e aftë të bëjë, duke iu referuar aftësive të saj të spikatura si këngëtare dhe aktore. Përveç kësaj, rrugët e dy ish-bashkëshortëve u kryqëzuan sërish edhe në rrafshin profesional përmes kinemasë, pasi Ben Affleck ka qenë producent i filmit «Kiss of the Spider Woman», në të cilin Jennifer Lopez luan rolin kryesor.

Gjatë të njëjtës intervistë, aktori foli gjerësisht edhe për natyrën subjektive të çmimeve brenda industrisë së filmit. Sipas tij, suksesi komercial apo vlerësimi i mirëfilltë artistik nuk përkthehen domosdoshmërisht në fitimin e çmimeve, pasi vendimet në këtë fushë ndikohen ndjeshëm nga preferencat, përvojat dhe bindjet personale të vetë votuesit, duke e cilësuar atë si një industri të çuditshme dhe subjektive ku njerëzit sjellin shumë nga vetja e tyre.