Ancelotti konfirmon kontaktet me Italinë — qëndron te Brazili
Trajneri italian konfirmoi se ka pasur kontakte me Federatën Italiane, por nuk e ka menduar largimin nga Brazili
ROMË — Carlo Ancelotti konfirmoi se ka pasur kontakte me Federatën Italiane të Futbollit për ta marrë drejtimin e kombëtares 'Azzurre'. Trajneri italian theksoi se nuk e ka menduar asnjëherë largimin nga Brazili, pasi ndihet i lidhur me projektin që ka nisur me 'Seleçaon'.
Lajmi u bë publik nga tashmë ish-drejtori i ekipeve kombëtare të Italisë, Paolo Maldini, i cili e pranoi ditë më parë se Ancelotti ishte një nga emrat e parë të kontaktuar për bankinën e Italisë, së bashku me Pep Guardiolën.
Megjithatë, trajneri italian ua bëri të qartë drejtuesve të FIGC-së se nuk e kishte ndërmend të largohej nga drejtimi i Brazilit. Sipas mediave braziliane, Ancelotti e njoftoi menjëherë Konfederatën Braziliane të Futbollit (CBF) për kontaktin e marrë nga Italia dhe e ritheksoi se dëshiron ta respektojë kontratën e tij.
Burim: Gazeta Express
— Redaksia ZHURMA