Albërie Hadërgjonaj zbulon ndryshimin e marrëdhënies me ish-bashkëshortin

Albërie Hadërgjonaj ka rrëfyer se si ka ndryshuar marrëdhënia e saj me ish-bashkëshortin pas divorcit, duke kaluar nga urrejtja te miqësia e ngushtë. E ftuar në emisionin “Live me Luizin”, këngëtarja tregoi se vitet e para pas ndarjes e kishte urryer, pasi mendonte se ai i kishte marrë disa vite nga jeta, por me kalimin e kohës raporti i tyre ka ndryshuar plotësisht dhe sot janë miq shumë të mirë që takohen në raste të veçanta, si ditëlindjet e vajzave apo të mbesave. Përpara se të arrinin këtë miqësi, marrëdhënia e tyre ishte shënuar nga tensione dhe periudha kur ajo nuk kishte dashur ta shihte fare.

Gjatë bisedës, ajo theksoi gjithashtu se çdo vajzë duhet të ketë kontrollin e jetës së vet dhe të zgjedhë atë që e bën të ndihet mirë, pavarësisht komenteve të njerëzve. Këngëtarja foli edhe për mundësinë e një partneri të ri në të ardhmen, duke sjellë në vëmendje një shprehje të gjyshit të saj se për grua, burrë dhe autobus nuk duhet pritur kurrë, pasi njeriu është krijuar për të pasur një partner dhe mbetet i ri në çdo moshë me nevoja biologjike.