138 mijë pasagjerë kaluan nga Qafë Bota dhe Porti i Sarandës në korrik
Daljet mbinumërojnë hyrjet — 71,061 pasagjerë dolën kundrejt 67,128 që hynë, ndërsa 19,642 mjete ikin kundrejt 18,640 që vinin.
SARANDË — Pikën Kufitare të Kalimit (PKK) Qafë Botë dhe Terminalin e Trageteve në Portin e Sarandës kanë regjistruar 138 mijë e 189 pasagjerë gjatë muajit korrik, duke e bërë këtë muaj periudhën me lëvizjen më të lartë të sezonit turistik.
Sipas të dhënave zyrtare, në hyrje janë regjistruar 67 mijë e 128 pasagjerë, ndërsa në dalje 71 mijë e 061, çka tregon se daljet kanë zënë peshën më të madhe të qarkullimit gjatë kësaj periudhe.
Edhe lëvizja e mjeteve ka qenë e konsiderueshme. Gjatë korrikut kanë hyrë në vend 18 mijë e 640 automjete, ndërsa kanë dalë 19 mijë e 642, duke reflektuar një rrjedhë të barabartë por me tendencë dalëse.
Autoritetet bëjnë të ditur se PKK Qafë Botë dhe Terminali i Trageteve kanë operuar me kapacitet të plotë në të gjitha shërbimet, përfshirë edhe agjencitë private, duke mundësuar përballimin e fluksit pa krijuar vonesa apo problematika për udhëtarët.
Burim: BalkanWeb
— Redaksia ZHURMA