Polici i Njësisë së Reagimit Shpejtë gjendet pa jetë në Morinë
Hajdari u gjet pa shenja jete te varrezat e fshatit Morinë në Kukës; dyshohet se kreu vetëvrasje me armë zjarri
— KUKËS — Vdekja e policit të Njësisë së Reagimit Shpejtë Shaban Hajdari, ka lënë të pikëlluar familjen por edhe kolegët. Hajdari u gjet pa shenja jete te varrezat e fshatit Morinë në Kukës. Ai dyshohet se kreu vetëvrasje me armë zjarri.
Sindikata e Policisë së Kosovës ka shprehur ngushëllimet e saj më të sinqerta, duke vlerësuar kontributin e tij në shërbim të Policisë së Kosovës. Në telegramin e ngushëllimit, Sindikata ka shprehur dhimbjen për humbjen e zyrtarit policor dhe është solidarizuar me familjarët, kolegët dhe të afërmit e tij.
“Shprehim ngushëllimet tona më të sinqerta për ndarjen nga jeta të zyrtarit policor Shaban Hajdari. Shprehim solidaritetin dhe mbështetjen tonë për familjen, kolegët dhe të afërmit e të ndjerit, duke u uruar forcë dhe kurajë për ta përballuar këtë humbje” — shkruan Sindikata.
Në fund të mesazhit, Sindikata ka nderuar kujtimin e Hajdarit me fjalët: “Qoftë i përhershëm kujtimi për të.”
Burim: Klan Kosova, https://klankosova.tv/qofte-i-perhershem-kujtimi-per-1te-sindikata-e-policise-ngushellon-familjen-e-policit-shaban-hajdari
— Redaksia ZHURMA
Të ngjashme
sipas temës · #kosove
IKD kërkon dënim penal për përdorimin e parasë publike për vota
Nis rrënimi i shtëpisë në Rrugën A — rrezikonte shembjen nga rrëshqitja e dheut
Të akuzuarit për vrasjen e policit Lika mohojnë fajin në gjykatë
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.