Scaloni reagon pas humbjes: Më vjen keq që nuk munda t'i jap një trofe tjetër

TIRANË — Trajneri i Argjentinës, Lionel Scaloni, u ka dërguar një mesazh prekës ku kërkon falje tifozëve të vendit të tij, pikërisht një javë pasi humbi finalen e Kupës së Botës ndaj Spanjës. Tekniku u shpreh se i vjen keq që nuk mundi ti japë një trofe tjetër Argjentinës, ndërsa u bëri thirrje tifozëve të kujtojnë vlerat që grupi i tij u përpoq të tregonte, duke i përshkruar lojtarët e tij si "luftëtarë".

Scaloni ka thyer heshtjen një javë pas humbjes në finalen e Kupës së Botës ndaj Spanjës, duke u kërkuar ndjesë tifozëve për zhgënjimin dhe duke i falënderuar për mbështetjen e vazhdueshme. Tekniku argjentinas pranoi se humbja ishte e dhimbshme, por theksoi se skuadra dha gjithçka në fushë dhe se ndihet krenar për rrugëtimin e ekipit deri në finale.

Në reagimin e tij, Scaloni u shpreh se kjo ka qenë një javë e vështirë, e mbushur me trishtim, por edhe me krenari për atë që arriti grupi gjatë turneut. Ai vlerësoi mbështetjen e tifozëve, duke theksuar se dashuria e tyre ka qenë forca më e madhe për kombëtaren në çdo moment.

Kontrata e Scalonit me Federatën Argjentinase të Futbollit skadon në muajin dhjetor dhe, pavarësisht dyshimeve që ai ka shprehur për vazhdimësinë, një pjesë e madhe e tifozëve kanë nisur të kërkojnë publikisht rinovimin e marrëveshjes.

Ndërkaq, qindra tifozë kanë shkuar pranë shtëpisë së tij për ta falënderuar dhe për të bërë fotografi me trajnerin. Ata e konsiderojnë atë si një nga figurat kryesore të epokës së artë të kombëtares, pas triumfit në Kupën e Amerikës dhe suksesit në Botërorin 2022, ndërsa tani kërkojnë që ai të vazhdojë projektin edhe për vitet e ardhshme.

Burim: Ora News

— Redaksia ZHURMA