Pse u ndalohet qarkullimi në autostradat?
Ministria e Infrastrukturës dhe Transportit njofton kufizime të përkohshme për automjetet e transportit të mallrave mbi 20 tonë gjatë ditës së sotme, pasi temperaturat e parashikuara arrijnë 32 gradë Celsius ose më shumë
PRISHTINË — Ministria e Infrastrukturës dhe Transportit ka njoftuar se gjatë ditës së sotme do të ketë kufizime të përkohshme në autoudhë për automjetet e transportit të mallrave me masë totale mbi 20 tonë. Sipas njoftimit, kufizimi do të zbatohet në intervalin kohor 11:00–17:30, pasi temperaturat e parashikuara arrijnë 32 gradë Celsius ose më shumë.
Nga ministria bëhet e ditur se në rrugët nacionale, rajonale dhe lidhëse nuk do të ketë kufizime të qarkullimit, pasi nuk janë plotësuar kushtet e përcaktuara me vendim. Ministria ka bërë të ditur se do të vazhdojë monitorimin e përditshëm të temperaturave dhe do të njoftojë me kohë qytetarët dhe operatorët ekonomikë për çdo ndryshim lidhur me zbatimin e këtij vendimi.
Burim: Sinjali
— Redaksia ZHURMA