Si u arrestuan dy kosovarët për kontrabandë emigrantësh në Maqedoni?
Policia gjeti shtatë shtetas egjiptianë në një furgon me targa kosovare pranë Demir Kapisë.
SHKUP — Dy shtetas të Kosovës janë arrestuar në Maqedoni të Veriut nën dyshimin për kontrabandim emigrantësh. Ngjarja ndodhi dje në autostradën Gjevgjeli-Negotinë, pranë pikës pagesore të Demir Kapisë.
Policia ndaloi dy automjete — një “Folksvagen Transporter” dhe një “Shkoda Oktavia” — të drejtuara nga A.G. (42) dhe G.G. (39). Gjatë kontrollit në furgon u gjetën shtatë emigrantë nga Egjipti; automjeti tjetër kishte shërbyer si pararendës.
Ministria e Punëve të Brendshme njoftoi Prokurorinë për Ndjekje të Krimit të Organizuar. Të dyshuarve u është caktuar paraburgim 30-ditor në Burgun “Shkup”; emigrantët janë vendosur në Qendrën për Azilkërkues në Vizbeg të Shkupit.
Burim: Telegrafi
— Redaksia ZHURMA